Xedeak

Gaur egun EHZ-k bere ibilbidea segitzen du, elkarte militantea izanez, dirua irabazteko helbururik gabe, alderdi politiko, sindikata ala edozein instituzioren menpe izan gabe, askatasun osoz jokatuz bere garapenari begira.
Elkarteak 5 lan eremu ditu

• Iksugarrigintza
• Lurralde garapena
• Sensibilizazioa
• Sorkuntza artistikoaren sustengua

2008-tik landa, EHZ-ren ekimenetan bilakaera bat nabarmendu da, hitzordu eta dinamika berrietan oinarritua:

• EHrZ ("Euskal Herrira Zuenean")musika lehiaketa Euskal Herriko musika talde eta artsitak hedatzeko eta ezagutarazteko
• Ikusgarrigintza gertakari erraldoiak Euskal Herrian kalitatezko kultur eskaintza bat proposatuz prezio merkeetan eta denen esku: EHZ festibalaren bitartez batez ere, baita Elektrotasuna (elektro musika kontzertuak) gertakariarekin ere.
• Laguntzaileen formakuntza gure ekimenak ikasketa eta bizi esperientzia aberatsak izan ditezen.
• Sorgin emanaldi sorkuntza programa, Euskal Herriko konpainia eta elkarteen sustatzeko baita sorkuntza iniziatibak bultzatzeko.
• Artean programa: deialdi eta egonaldien bitartez, sorkuntza grafiko eta plastikoen bultzatzeko eta hedatzeko.
• Gogoeta hitzorduen antolaketa eta euskarrien argitalpena publikoa eta jendartea sensibilizatzeko aktualitatezko gaien inguruan, eztabaida eta adierazpen espazioak sortuz: zine gaualdiak, konferentziak, etab.

Proiektu eta dinamika horien bitartez, EHZ-k euskal jendartea bere ainiztasunean hunkitu nahi du, elkarren arteko zubiak sortuz, balore eta ideia garrantzitsu batzuen inguruan.

Hortarako, erran dezakegu EHZ-k bi aurpegi dituela:

• EHZ herri tresna: Euskal Herriko hedapen, koordinaketa eta adierazpen tresna.
• EHZ herri aktore: Euskal Herriaren garapen prozesuaren (kultur, ekonomiko, sozial) aktore bat.